Ministrja e Financave, Delina Ibrahimaj tha se bordet për çmimet e karburanteve dhe për disa produkte te shportës nuk do te shkrihen, duke theksuar se e kane bere punën e tyre dhe qe qytetaret po paguajnë çmimet me te ulëta te mundshme.
“Kohet e jashtëzakonshme na ndikojnë të marrim vendime të jashtëzakonshme. Nga analizat që kemi kryer të dyja bordet kanë bërë punën e tyre me qëllim limitimin e rritjes së çmimeve në ato nivele pa prekur spekulimet e tregut, pa ndikuar në çmime kemi pritur që këto çmime të materializohen. Ne do vijojmë të mbajmë bordet qoftë për çmimet karburanteve e disa produkteve të shportës për sa kohë do jemi të ndikuar nga rritja eksponenciale e çmimeve në bursat ndërkombëtare me qëllim garantimin që qytetarët të paguajnë çmimin më të ulët të mundshëm për këto produkte e të limitojmë çdo spekulim që mund të ndodhë në treg me rritje të mëvonshme të çmimeve”, tha Brahimaj.
